Իրական, թե՞ վիրտուալ սեքս

Վաղուց անցել են այն ժամանակները, երբ աղջկա հետ ծանոթանալու համար տղաները պայքարում էին նրա ուշադրությանը արժանանալու, սիրտը շահելու համար և դրա համար ջանք ու եռանդ  չէին խնայում: Նպատակին հասնելու համար երիտասարդները ձգտում էին գեղեցիկ և սպորտային կեցվածքի, ինչն իր հերթին հանդիսանում էր կատարելագործման շարժառիթ:

Ժամանակակից հասարակությունը լայնորեն օգտագործում է համակարգչային տեխնիկայի հնարավորությունները նոր ծանոթություններ և հատկապես սեքս ծառայություններ ձեռք բերելու նպատակով: Ինտերնետային կապի միջոցով քննարկվում են տաբեր սեքսուալ խնդիրներ, ձեռք  են բերվում սեքսուալ զուգընկերներ, էրոտիկ և պոռնոֆիլմերի CD և այլն:

Վիրտուալ իրականությունը վերածվել է ամենահամարձակ երևակայությունների իրականացման վայր: Որոշ երկրներում տարածում են ստացել այսպես կոչված ՙմութ սենյակներ՚-ը` զվարճալի վայրեր,  որոնք նախատեսված են կիբերսեքսի համակարգչային հատուկ ծրագրերին միանալու համար:

Ովքե՞ր են դիմում այդ միջոցներին

-    կասկածամիտ, տագնապային մարդիկ, որոնք իրենց շրջապատող մարդկանց  համարում են վտանգ սպառնացող: Այս տիպի մարդիկ շփվող չեն,  ընդունակ չեն պաշտպանել սեփական դիրքորոշումը, հեշտությամբ նահանջում են իրենց նպատակներից, իրենց բնորոշ է անվճռականությունը,  և այս ամենը նպաստում է սեռական նախաձեռնության իջեցմանը;

-    մարդիկ, որոնց  բնորոշ են մանկամտությունը և մշտապես կախյալություն ունենալու հատկությունը:

-    ֆիզիկապես տկար մարդիկ, որոնք դժվարանում են ռեալ հարաբերություններ սկսել, իսկ վիրտուալ աշխարհը հնարավորություն է տալիս  գերտղամարդ և գերկին զգալու:

-    տարբեր տարիքային խմբերին պատկանող մարդիկ, որոնք ինչ-որ բան ունեն թաքցնելու: Նրանց մի մասը ուզում է ավելի մեծահասակ երևալ, մյուսը` ավելի երիտասարդ:

-    տարբեր սեռական փոքրամասնություններին պատկանող մարդիկ, որոնք հեշտ են գտնում զուգընկերներ և ռեալիզացնում իրենց սեքսուալ ֆանտազիաները:

-    սոցիալապես ոչ կայացած մարդիկ, որոնց համար նյութական արժեքները պակաս կարևոր չեն. պետք չէ ծաղիկներ նվիրել, շամպայն գնել: Այստեղ ամեն ինչ հոգևոր է և մատչելի է… բացի իրական հարաբերություններից;

-    հատուկ մարդիկ, որոնք  ձգտում են  վտանգավոր սեռական կապի և երևակայությունների իրականացմանը անչափահասների հետ:

-    այն մարդիկ, որոնք խուսափում են պատասխանատվությունից և իրական սեռական կապերից,  որոնց հետևանքներն են` հղիություն և սեռավարակներ:

Ե՛վ օնլայն սեքսուալ ակտիվությունը, և՛ կիբերսեքսը բերում են բնական ինտիմ արժեքների խեղաթյուրմանը: Դա արհեստական հաճույքների աշխարհ է, երևակայության աշխարհ, որտեղ առկա են ինքնախաբեությունը և իլյուզիան:

Հաճելի և օգտակար է իրական սեքսը

Իրական սեռական պայմանական ռեֆլեքսները առաջանում և պայմանավորված են անհատական փորձով, դաստիարակությամբ և սոցիալական դիրքորոշմամբ, որոնց շնորհիվ ընտրվում է համապատասխան սեքսուալ զուգընկեր:

Իրական սեքսուալ հարաբերությունները բերում են լիցքաթափման, մանկածնման, զգացմունքային հաճույքի, բավարարում է սեռական հետաքրքրությունը: Առանձին դեպքերում այն հանդիսանում է շփման միջոց, երբ սեռական մերձեցումը հանդես է գալիս իբրև անհատների հոգեբանական անձնային մտերմության պահ, որը բերում է երկու անձի մերձեցմանը:

Երբեմն սեքսուալ կյանքը հանդիսանում է ինքնահաստատման միջոց` ապացուցել ինքդ քեզ և ուրիշներին, որ դու նույնպես կարող ես դուր գալ, գրավել և սեքսուալ բավարարել:

Սեքսը կարող է ունենալ նաև ոչ սեքսուալ նպատակներ` նյութական շահ, սոցիալական ստատուսի բարձրացում, հեղինակութուն: Առանձին դեպքերում այն ծառայում է որոշակի սովորույթների պահպանմանը, որպես կոմպենսացիայի միջոց, փոխարինում գործունեության այլ ձևերը կամ էմոցիոնալ բավարարվածության միջոցները, ֆիզիոլոգիական պրոցեսներ, որոնք առաջացնում են մեծ էմոցիոնալ և հորմոնալ պոռթկում,  որը դրական է ազդում մարդու ֆիզիկական և հոգեկան առողջության վրա` ապահովելով նրա հարմոնիկ ինտեգրումը հասարակության մեջ:

Հարցեր, պատասխաններ, մեկնաբանություններ